Academic biography

Is ollamh cúnta é an Dr Pádraig Ó Liatháin in Fiontar agus Scoil na Gaeilge, DCU. Fuair sé a chuid oideachais ollscoile i gColáiste na Tríonóide, idir BA, M. Litt., agus PhD. Tá sealanna caite aige ag léachtóireacht agus ag múineadh i gColáiste na Tríonóide, i gColáiste Oideachais Froebel, in Ollscoil Sheárlais, Prág agus le Gaelchultúr.

Tá taighde foilsithe aige ar Sheán Ó Ríordáin agus ar ghnéithe den nualitríocht, ar fhilíocht an 18ú céad, ar léann na lámhscríbhinní déanacha, ar an nGaeilge i Meiriceá Thuaidh agus ar Éamonn Mac Giolla Iasachta.

Tháinig Imleabhar I dá chuid taighde ar an Ríordánach amach ag deireadh 2022 le Cló Iar-Chonnacht, agus tá eagrán den dán eisceachtúil ón 18ú céad, 'Eachtra Ghiolla an Amaráin', le Donncha Rua Mac Conmara. foilsithe ag CIC chomh maith (2018).

Iar-eagarthóir Gaeilge é ar Eighteenth Century Ireland: Iris an dá chultúr (2012-15) agus tá sé ina bhall seachtrach d'Ionad an Léinn Éireannaigh, i Roinn an Bhéarla in Ollscoil Sheárlais, Prág.    

Faoi láthair tá sé ag obair ar mhórthionscadal taighde .i. dialanna Sheáin Uí Ríordáin a thrascríobh agus a chur i gcló. Tá an chéad imleabhar amuigh, agus an dara hImleabhar nach mór réidh. 

Is suim leis litríocht na Gaeilge ón 17ú haois go dtí an lá atá inniu ann, agus tá suim acadúil agus phearsanta aige in amhráin na Gaeilge idir shean-nós agus nua-chumtha.

Dr Pádraig Ó Liatháin has research interests which encompass Irish language literature from the 17th century to the present, connections with Talamh an Éisc / Newfoundland, and North America generally. He is also currently editing, and preparing for publication, the diaries of the 20th century Irish language poet, Seán Ó Ríordáin, housed in Special Collections in University College Dublin. The first volume, containing the diaries 1 & 2, has been published (2022), and Volume II will be shortly released. He is also the former Irish language editor of the interdisciplinary peer- reviewed journal Iris an Dá Chultúr/Eighteenth Century Ireland. His annotated critical edition of Donncha Rua Mac Conmara’s mock-epic 18th century poem ‘Eachtra Ghiolla an Amaráin’ was published by Cló Iar-Chonnacht in 2018.